Lənkəranda könüllülük fəaliyyəti ilə maraqlanan gənclər üçün görüş təşkil edilib. Bu haqda məlumatı Cenublu.az bu gün, 1 fevral tarixində verir.
Tədbir zamanı gənclərə könüllülük proqramının təqdimatı edilib, şəxsi inkişaf təlimləri haqqında məlumat çatdırılıb, həmçinin müxtəlif təcrübə proqramları, komanda oyunları keçirilib.
Görüş “Regional İnkişaf” İctimai Birliyi tərəfindən həyata keçirilən könüllülük proqramı çərçivəsində həyata keçirilib. Burada məqsəd gənclər arasında könüllülük fəaliyyətini təşviq etmək, onların bilik və bacarıqlarını, təşəbbüskarlığını artırmaq, şəxsi və peşəkar inkişafına təkan verməkdir.
