Lənkəran–Astara Regional Gənclər və İdman İdarəsinin əməkdaşları və könüllülər "Yaşıl dünya naminə həmrəylik ili" çərçivəsində Lənkəran Regional Turizm İdarəsinin təşkil etdiyi ağacəkmə və təmizlik aksiyalarında iştirak ediblər. Bu haqda məlumatı Cenublu.az bu gün, 25 aprel tarixində verir.
Qızılağac Milli Parkı ərazisində keçirilən təmizlik aksiyasında Balıqçılar qəsəbəsində dənizkənarı ərazidə təmizlik aksiyası təşkil olunub, ərazi tullantılardan təmizlənib, sonra milli parkın giriş hissəsində 100-ə yaxın şam ağacı əkilib.
Tədbirdə 2024-cü ilin Azərbaycanda “Yaşıl Dünya Naminə Həmrəylik İli” elan olunmasının ölkəmizdə ekoloji mühitin yaxşılaşdırılmasında rolu haqqında danışılıb, ətraf mühitin təmizliyinin vacibliyi və alternativ enerji mənbələrindən istifadənin əhəmiyyəti gənclərə izah edilib.
