Lənkəran-Astara iqtisadi rayonu qadın sahibkarların sayına görə ölkə üzrə ikinci yerdədir. Bu haqda məlumatı Cenublu.az bu gün, 19 oktyabr tarixində verir.
Belə ki, ölkə üzrə bu ilin 1 oktyabr tarixinə olan məlumata əsasən, 1,3 milyon fərdi sahibkar var. Fərdi sahibkarların 22,6 faizi, yəni 293,5 mini qadındır. Sahibkar qadınların 10,3 faizi Lənkəran-Astara iqtisadi rayonunda qeydiyyatdan keçib.
Qeyd edək ki, qadınlar fəaliyyət növləri arasında “kənd təsərrüfatı, meşə təsərrüfatı və balıqçılıq” sahəsində sahibkarların 25,2 faizini, “ticarət; nəqliyyat vasitələrinin təmiri” fəaliyyət sahəsində isə 21,3 faizini təşkil edirlər.
