Müasir dövrümüzdə oyunlar təkcə uşaqlar üçün nəzərdə tutulmur. Bir çox məşhur oyunlar var ki, böyüklərin də zövqünü oxşayır. Elə buna görə də ölkədə get-gedə “PlayStation” klublarının sayı artır.
Bu tendensiya Lənkərandan da yan keçməyib. Bu səbəbdən də Cenublu.az sizin üçün Lənkəranda fəaliyyət göstərən seçilən “PlayStation” klubları haqda məlumat verir.
Qala Xiyabani küçəsində yerləşən “Maracana PlayStation & cafe” ümumi zal və kabinetlərdən ibarətdir. Burada müştərilər istəyə görə “PlayStation” 3, 4 və 5 oyun konsollarını seçə bilərlər. Həmçinin xüsusi günlərdə canlı futbol oyunları da yayımlanır. Bunlardan əlavə, müştərilərə çay dəsgahı, fastfud yeməkləri, məzələr, qəlyan və sərfəli setlər təklif olunur.
Hənifə Abdullayev küçəsində yerləşən “Arena game center” müştərilərə istəyə uyğun “PlayStation” 3, 4 və 5 oyun konsollarını təqdim edir. Burada, həmçinin Bein sports, Exxen kimi idman kanalları da yayımlanır. Oyunla yanaşı, müştərilər müxtəlif növ təamlardan sifariş verib, dada bilərlər. Məkan ümumi zal və kabinetlərdən ibarətdir.
Şəhərin 2-ci mikrorayon ərazisində yerləşən “Black PlayStation cafe”də 3 və 4 “PlayStation” konsolları ilə yanaşı, müştərilərə çay, qəhvə və şirniyyatlar təklif olunur.
Qeyd edək ki, “PlayStation” klubları təkcə oyun oynamaq üçün yox, həm də əylənmək və yorğun iş günündən sonra stres atmaq üçün əlverişli məkanlardır. Stanford Universitetinin alimləri sübut ediblər ki, oyunlar beynimizin motivasiya, mükafat və öyrənmə ilə əlaqəli sahələrinə stimullaşdırıcı təsir göstərir.
