Astaralı şagird Fatimə Əliyeva ABŞ-də təhsil aldığı məktəbdə Azərbaycan haqda təqdimat nümayiş etdirib. Bu haqda məlumatı Cenublu.az bu gün, 19 oktyabr tarixində verir.
Təqdimatı Dövlət Himnimizin səsləndirilməsi ilə başlayan Fatimə daha sonra doğma Vətəni haqda sinif yoldaşlarına və müəllimlərinə ətraflı məlumat verib. Fatimənin təqdimatı sinif yoldaşları, əsasən ABŞ, İspaniya və İtaliyadan olan şagirdlər tərəfindən maraqla qarşılanıb.
Qeyd edək ki, Fatimə Əliyeva Astara rayonunun Ərçivan qəsəbə 4 saylı məktəbini fərqlənmə attestatı ilə bitirib. O, 560 balla Xəzər Universitetinə qəbul olub. Hal-hazırda FLEX proqramının finalçısı olaraq 1 il ABŞ-də ödənişsiz 12-ci sinfi oxuyur.
Amerikalı müəllimlərin sevimlisi olan “kiçik səfirimiz” onlardan sinifdə Azərbaycan Bayrağını asmalarını xahiş edib.
