Azərbaycan Dövlət Akademik Musiqili Teatrı Lənkəran şəhərində qastrol səfərində olacaq.
Cenublu.az xəbər verir ki, orada Milli Teatr Günü münasibəti ilə “Molla Nəsrəddinin beş arvadı” (İ.Sadıqov, quruluşçu rejissoru Əməkdar incəsənət xadimi Əsgər Əsgərov) komediyası nümayiş etdiriləcək.
Tamaşa martın 3-ü saat 17:00-da Lənkəran Dövlət Dram Teatrının binasında oynanılacaq.
Türk dünyasının kamillik, müdriklik simvolu olan Molla Nəsrəddinin beş arvadı ilə macəralarından bəhs edən bu gülüş dolu tamaşada teatrın sevilən simalarından Əməkdar artistlər Əkbər Əlizadə, İqrar Salamov, aktyorlar Gülcahan Salamova, Ülviyyə Əliyeva, Gülnarə Abdullayeva, Gülnarə Əzizova, Türkel Tariqpeyma, Əliməmməd Novruzov, Fərid Rzayev, Ruslan Mürsəlov iştirak edəcəklər.
