Ağamir Möhüb oğlu Fəttayev 1 iyun 1924-cü ildə Masallı rayonunun Şatıroba kəndində anadan olub [3].
O, bir müddət kolxozda işlədikdən sonra heyət idarəsi onu sahə briqadirliyinə irəli çəkmişdi [2].
Ağamir Fəttayev Böyuk Vətən müharibəsi iştirakçısı olmuşdu. O, müharibəyə yollanan zaman öz həmyerlilərinə demişdi: “Mən sizin başınızı ucaldacağam. Nə qədər nəfəsim var, düşmənə aman verməyəcəyəm”.
Fəttayevin olduğu hissənin komandiri Kodaçev Şatıroba kəndindəki “Qırmızı Oktyabr” kolxozunun kolxozçularına yazmışdı: “Sizin kolxozun qəhrəman oğlu serjant Ağamir Fəttayev yoldaş cəbhədə alman işğalçılarına qarşı dəfələrlə böyük qəhrəmanlıq nümunələri göstərmişdir. Bunun üçün də o, “Qırmızı ulduz” ordeni və “İgidliyə görə” medalı ilə təltif edilmişdir” [1]. Bununla yanaşı, Fəttayev sonralar “Əmək veteranı” medalına da layiq görülüb.
Müharibədən sonra Fəttayev Şatıroba kəndindəki Kirov adına sovxozda mühasib köməkçisi və briqadir vəzifəsində çalışıb [2].
Ədəbiyyat:
