Masallıda “Yaşıl dünya naminə həmrəylik ili” çərçivəsində “Yazaq, çəkək, yaradaq” müsabiqəsinin yekun tədbiri təşkil olunub. Bu haqda məlumatı Cenublu.az bu gün, 24 may tarixində verir.
Tədbir Tarix-Diyarşünaslıq Muzeyi və Masallı Dövlət Rəsm Qalereyasının birgə təşkilatçılığı, Masallı rayon İcra Hakimiyyəti, Masallı rayon Təhsil Sektorunun dəstəyi ilə keçirilib.
Görüşdə Masallı RİH başçısı Aparatının İctimai-siyasi və humanitar məsələlər şöbəsinin baş məsləhətçisi Nuranə Muradova çıxış edib.
Sonra çıxış edən Lənkəran–Astara Regional Təhsil İdarəsinin Masallı rayonu üzrə Təhsil sektorunun nümayəndəsi Samit İsmayılov, Masallı Dövlət Rəsm Qalereyasının direktor əvəzi Təhmasib Məcidov yeniyetmə və gənclərin təbiətin qorunmasına yanaşma tərzlərini bəyəndiklərini qeyd ediblər.
Daha sonra sosial şəbəkədə topladıqları səs çoxluğuna görə I, II, III yerlərin sahibləri olan 3 şagirdə Fəxri Fərman və hədiyyələr təqdim edilib.
