Masallı Tarix-Diyarşünaslıq Muzeyində “Xocalı – qan yaddaşımız” mövzusunda tədbir baş tutub. Bu haqda məlumatı Cenublu.az bu gün, 24 fevral tarixində verir.
Görüş Rayon İcra Hakimiyyəti, Gənclərin İnkişaf və Karyera Mərkəzinin Lənkəran-Astara Regional Nümayəndəliyi və Ombudsmanın Cənub Regional Mərkəzinin birgə təşkilatçılığı ilə həyata keçirilib. Burada təşkilatçı müəssisələrin əməkdaşları, Xocalı sakini, şəhid ailələri, mətbuat nümayəndələri, ziyalılar, mədəniyyət işçiləri və gənclər iştirak ediblər.
Tədbirdə əvvəlcə soyqırımı qurbanlarının xatirəsi yad olunub. Sonra Xocalı sakini Kamilə Quliyeva Xocalı faciəsi gününə qədər yaşadığı ərazidə şahidi olduğu hadisələrdən danışıb.
Sonda Xocalı soyqırımına həsr olunan sərgi keçirilib.
