Müasir dövrdə şahmat, rəsm, musiqi və idman uşaqlar üçün təkcə hobbi deyil, həm də onların peşəkar gələcəyinə töhfədir. Hər bir valideynin missiyası isə övladının gələcəyi üçün onun istedadlarını düzgün inkişaf etdirməkdir. Bu səbəbdən Cenublu.az valideynlərin istəklərini nəzərə alaraq, uşaqlar üçün ən sərfəli və peşəkar dərnəklər haqda məlumat verir.
Övladlarını güləş dərslərinə yazdırmaq istəyən valideynlər “Cəngavər” idman klubuna müraciət edib uşaqlarının idman bacarıqlarını təkmilləşdirə bilərlər. “İsgəndərli” uşaq bağçasının qarşısında yerləşən güləş məktəbində dərslər tək günlər səhər saatlarında keçirilir. Ətraflı məlumat və yazılmaq üçün 050-386-42-65 və ya 050-700-92-42 nömrələri ilə əlaqə saxlamaq mümkündür.
Əgər uşağınızın sərbəst güləş, cüdo və ya üzgüçülüyə meyili varsa, Talışxanov küçəsində yerləşən Masallı Olimpiya İdman Kompleksində siz bu idman növləri üzrə peşəkar məşqçilər tapa bilərsiniz. Dərslər həm tək, həm cüt günlər keçirilir və 6 yaşdan yuxarı uşaqlar üçün nəzərdə tutulub. Ətraflı məlumat üçün əlaqə nömrəsi: 050-663-24-72.
Uşağınızın intellektual qabiliyyətlərini inkişaf etdirmək və gələcəyini şahmatda görmək istəyənlər Heydər Əliyev, 73 ünvanında yerləşən Masallı rayon Uşaq-Gənclər İdman-Şahmat Məktəbinə üz tuta bilərlər. Dərslər səhər və günorta saatlarında keçirilir. Ətraflı məlumat üçün nömrə: 050-359-77-17.
Kompüter kursları axtaran valideynlər Boradigah qəsəbəsində yerləşən Yusi Akademiya-ya və ya Heydər Əliyev prospektində yerləşən Bitnet Təhsil Mərkəzi-nə müraciət edərək övladlarını proqram kursuna yazdıra bilərlər. Uşaqlarınız bu kurs sayəsində 6 aya Windows programlarını mənimsəyə biləcəklər. Qeyd edək ki, proqramın sonunda tələbələrə kurs tərəfindən diplom təqdim ediləcək. Ətraflı məlumat üçün əlaqə nömrələri: Yusi Akademiyası, 050-344-29-95; Bitnet Təhsil Mərkəzi, 051-922-42-29.
