Masallı Tarix-Diyarşünaslıq Muzeyində Beynəlxalq Abidələr və Tarixi Yerlər Gününə həsr olunmuş tədbir keçirilib. Bu haqda məlumatı Cenublu.az bu gün, 18 aprel tarixində verir.
“Tarixin daş səhifələri” adlı tədbir Masallı Dövlət Rəsm Qalereyası, Tarix-Diyarşünaslıq Muzeyi, Azərbaycan Respublikası Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Salyan Regional İdarəsinin Masallı rayon şöbəsinin birgə təşkilatçılığı ilə həyata keçirilib.
Görüşdə təşkilatçı müəssisələrin əməkdaşları, Masallı Dövlət Regional Kollecinin tələbələri və gənclər iştirak ediblər.
Tədbirdə muzeyin direktoru Əntiqə Tağıyeva Beynəlxalq Abidələr və Tarixi Yerlər Gününün yaranması, milli-mənəvi sərvətimiz sayılan ölkə və region əhəmiyyətli tarixi abidələrimiz haqqında geniş məlumat verib.
İştirakçılar "Qəhrəmanlar Parkı" ziyarətindən sonra XIX əsrə aid olan Masallı rayon “Cümə məscidi” və “Hamam” memarlıq abidələrinə ekskursiya ediblər.
