Masallı rayon Heydər Əliyev Mərkəzinin təşkilatçılığı ilə “Tarixi abidələrimizə qarşı erməni vandalizmi” mövzusunda mühazirə keçirilib. Bu haqda məlumatı Cenublu.az bu gün, 20 aprel tarixində verir.
Tarixi Abidələrin Mühafizəsi Gününə həsr olunmuş tədbirdə mərkəzin bələdçisi Şəfa Xəlilova çıxış edib. O, tarixi, mədəni, memarlıq abidələrinin və müqəddəs dini inanc yerlərimiz olan məscidlər, türbələr, qəbiristanlıqlar, Azıx mağarası və digər nadir maddi və mənəvi mədəniyyət nümunələrinin erməni vandalizminin qurbanına çevrildiyi barədə məlumat verib.
