Masallı Dövlət Regional Kollecinin tələbələri üçün “Avropa İİV-ə testləşmə həftəsi” və 1 dekabr – Ümumdünya QİÇS ilə Mübarizə Günü ilə bağlı müayinə və maarifləndirici tədbir təşkil olunub. Bu haqda məlumatı Cenublu.az bu gün, 28 noyabr tarixində verir.
Görüş Masallı Gənclər Evi SXM-də baş tutub. Burada iştirakçılar İmmunçatışmazlığı Virusunun (İİV) yayılmasının qarşısının alınması və İİV/QİÇS barədə məlumatlandırılıblar. Həmçinin onlar pulsuz və anonim qaydada İİV-yə ekspres-testdən keçərək, öz statusları barədə məlumat əldə ediblər.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə sektorunun dəstəyi ilə həyata keçirilib.
