N.Gəncəvi adına Masallı rayon Mədəniyyət Mərkəzində Süleyman Ələsgərovun 100 illiyi münasibətilə tədbir keçirilib. Bu haqda məlumatı Cenublu.az bu gün, 22 aprel tarixində verir.
Görüşdə Lənkəran–Astara Regional Mədəniyyət İdarəsinin rəisi Bəxtiyar Qılıncov, idarə aparatının əməkdaşı Miriş Hüseynov, Masallıda fəaliyyət göstərən idarə və müəssisələrin rəhbərləri, mədəniyyət, media nümayəndələri, ziyalılar iştirak ediblər.
İştirakçılara görkəmli bəstəkar Süleyman Ələsgərovun həyat və yaradıcılığı haqqında geniş məlumat verilib. Daha sonra mərkəzin solistlərinin, həmçinin Onbirillik İncəsənət Məktəbinin müəllim və şagirdlərinin ifasında bəstəkarın mahnılarından ibarət musiqilər təqdim edilib.
Tədbir Nizami Gəncəvi adına Masallı rayon Mədəniyyət Mərkəzinin, Mərkəzi Kitabxananın və Onbirillik İncəsənət Məktəbinin birgə təşkilatçılığı ilə həyata keçirilib.
