Masallıda narkomaniya və erkən nikahlar mövzusunda növbəti görüş təşkil olunub. Bu haqda məlumatı Cenublu.az bu gün, 22 noyabr tarixində verir.
Belə ki, “Həyatımızı birgə qoruyaq” adlı təlim Sübhan Xəlilov adına 1 nömrəli Qızılağac kənd tam orta məktəbində baş tutub. Tədbirə müəllimlər və yuxarı sinif şagirdləri qatılıblar. Onlara narkomaniyanın törədə biləcəyi fəsadlar və erkən nikaha daxilolma kimi neqativ halların ağır nəticələri barədə məlumat verilib.
Sonda şagirdlər narkomaniya ilə bağlı sorğuda iştirak edibər.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayon sektorunun, Masallı Rayon Polis Şöbəsinin və Lənkəran-Astara Regional Təhsil İdarəsinin Masallı rayon sektorunun dəstəyi ilə təşkil edilib.
