Masallı rayon Mərkəzi Kitabxanasının Təzə Alvadı kənd kitabxana filialında Milli Qəhrəman Səxavət Məhərrəmovun anadan olmasının 50 illiyi ilə əlaqədar tədbir keçirilib. Bu haqda məlumatı Cenublu.az bu gün, 4 dekabr tarixində verir.
Tədbirdə çıxış edənlər şəhidin həyat və döyüş yolu haqqında iştirakçılara məlumat veriblər. Bildirilib ki, Səxavət Ələmdar oğlu Məhərrəmov 1990-cı ildə 106 nömrəli tam orta məktəbi bitirib. 1991-ci ilin noyabrında könüllü olaraq milli ordu sıralarına daxil olub, döyüş bölgələrində şücaətlə vuruşub. 1992-ci il iyunun 27-də Ağdərənin Möhrətağ kəndi uğrunda döyüşdə qəhrəmancasına həlak olub və həmin ilin noyabr ayında “Milli Qəhrəman” adına layiq görülüb.
