Masallı Dövlət Regional Kollecində “Mediasiya xidmətinin təşviqi” mövzusunda kollecin müəllim və tələbə heyəti ilə maarifləndirici görüş keçirilib. Bu haqda məlumatı Cenublu.az bu gün, 18 may tarixində verir.
Tədbirdə bildirilib ki, vətəndaşlara sosial xidmətlər göstərilməsinin daha da keyfiyyətli və əlçatan səviyyəyə çatdırılması dövlət siyasətinin əsas hədəflərindəndir. Daha sonra çıxış edənlər mövzunun aktual olduğunu, ailədaxili mübahisələrin həlli kimi mediasiya sahəsində məlumatlılığının artırılmasının vacibliyini qeyd ediblər.
Sonda tədbir iştirakçılarını maraqlandıran suallar cavablandırılıb.
Qeyd edək ki, tədbir Masallı Rayon İcra Hakimiyyəti və Masallı 1 saylı Mediasiya Təşkilatının birgə təşkilatçılığı ilə baş tutub.
