Masallıda Rayon Polis Şöbəsinin təşkilatçılığı ilə “Narkomaniya ümumbəşəri bəladır!” və “Daxili İşlər Nazirliyi sistemində təhsilə və xidmətə təşviq” mövzularında tədbir keçirilib. Bu haqda məlumatı Cenublu.az bu gün, 7 dekabr tarixində verir.
Görüş Göyəçöl kənd tam orta məktəbində baş tutub. Burada əsas məqsəd yeniyetmə və gənclərin zərərli vərdişlərdən uzaq durmasına nail olmaqdır.
Tədbir çərçivəsində DİN sistemində təhsilə və xidmətə təşviq, Polis Akademiyasının tarixi, daxili işlər orqanlarında xidmətlə bağlı məktəblilərə məlumat verilib. Həmçinin gənclərimizin hərtərəfli inkişafı üçün yaradılan müasir şərait, zəngin kitabxanalar, xarici dil kursları, laboratoriyalar, idman və atıcılıq yerləri, həm də asudə vaxtlarının səmərəli təşkili məqsədilə görülən işlər barədə danışılıb.
Müzakirə olunan mövzularla bağlı videoçarxlar təqdim olunub və məktəblilərin sualları cavablandırılıb.
