Masallıda "Kəndlərdə yaşayan qızların təhsilə və peşə seçiminə təşviqi" layihəsinin iştirakçıları ilə görüş keçirilib. Bu haqda məlumatı Cenublu.az bu gün, 26 oktyabr tarixində Masallı Xəbərləri-nə istinadən verir.
Belə ki, tədbirdə gənc qızlar GİKM-in Lənkəran-Astara regional nümayəndəliyinin Masallı bölməsi ilə tanış olublar. Burada gənclərə həyata keçirilən fəaliyyətlər, üzv olmaq üçün müraciət qaydaları barədə ətraflı məlumat verilib, sualları cavablandırılıb.
Xatırladaq ki, adıçəkilən layihə "Qadınların Sosial İnkişafına Dəstək" İctimai Birliyi tərəfindən icra olunur.
Qeyd edək ki, təlim Azərbaycan Respublikası Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə təşkil olunub.
