Masallı Rayon İcra Hakimiyyətində “Təbii fəlakətlər zamanı əhalinin davranışı və onların hazırlanmasında ictimaiyyətin rolu” adlı görüş keçirilib. Bu haqda məlumatı Cenublu.az bu gün, 19 aprel tarixində verir.
Tədbirdə “Məişətdə yanğın zamanı davranış qaydaları”, “Odsöndürücü balondan istifadə qaydaları”, “Meşələrdə baş verən yanğınların qarşısının alınması və görülən işlər”, “Meşədə yanğın təhlükəsizliyi”, “İldırım”, “Zəlzələ”, “Sel və daşqın” və s. mövzular ətrafında geniş məlumatlar verilib. Həmçinin müxtəlif mövzularda hazırlanmış videoçarxlar nümayiş etdirilib.
Daha sonra idarə və müəssisələrin təxliyə planlarının qaydalara əməl edilməklə düzgün hazırlanmasının, yanğın və texniki təhlükəsizlik tədbirlərinə əməl olunmasına nəzarətin artırılmasının, ehtiyat çıxış qapılarının daim istifadəyə yararlı vəziyyətdə saxlanmasının, ilkin yanğınsöndürmə vasitələri ilə təchiz olunmasının vacibliyi tədbir iştirakçılarının diqqətinə çatdırılıb.
Görüş RİH-nin təşkilatçılığı ilə Fövqəladə Hallar Nazirliyinin Cənub Regional Mərkəzi tərəfindən həyata keçirilib.
