Masallıda Füzuli, Zəngilan və Qubadlı Şəhərləri Gününə həsr olunmuş görüş təşkil olunub. Bu haqda məlumatı Cenublu.az bu gün, 19 oktyabr tarixində verir.
“Qələbə müjdəsi” mövzusunda olan tədbir Heydər Əliyev Mərkəzində baş tutub. Burada Rayon İcra Hakimiyyətinin başçısı Araz Əhmədov və aparatı, hüquq-mühafizə orqanlarının, idarə, müəssisə və təşkilatların rəhbərləri, ərazi nümayəndələri, bələdiyyələr, məktəb direktorları, şəhid ailələri və qazilər iştirak ediblər.
Tədbir çərçivəsində işğaldan azad olunmuş ərazilərdə, o cümlədən Laçın rayonunda həyata keçirilən bərpa-quruculuq işlərindən, əhalinin doğma yurda qayıdışından bəhs edilib. Həmçinin Prezident İlham Əliyevin xalqa müraciəti videoçarx şəklində nümayiş olunub.
