Masallıda “İnsan hüquqları və azadlıqları” və "Zorakılıq yolverilməzdir" mövzularında maarifləndirici görüş keçirilib. Bu haqda məlumatı Cenublu.az bu gün, 13 oktyabr tarixində verir.
Tədbirdə Lənkəran-Astara Regional Gənclər və İdman İdarəsinin Masallı rayonu üzrə sektorunun, “Masallı Gənclər Evi” SXM-in əməkdaşları, Ombudsmanın Cənub Regional Mərkəzinin rəhbəri, DQİDK-nın Masallı bölgəsi üzrə şöbəsinin müdiri, müəllimlər və kollec tələbələri iştirak ediblər.
Çıxışlarda BMT-nin İnsan Hüquqları Bəyannaməsi, iqtisadi, sosial və mədəni, mülki və siyasi hüquqlar haqqında beynəlxalq sənədlər, insan hüquq və azadlıqlarının hər hansı şəkildə məhdudlaşdırılmasının yolverilməzliyi, ölkəmizdə bu sahədə aparılan islahatlar, milli insan hüquqları təsisatları, müvəkkil təsisatının yaranması və fəaliyyəti barədə tədbir iştirakçılarına geniş məlumat verilib.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə sektorunun, Masallı Gənclər Evi SXM-in, Dini Qurumlarla İş üzrə Dövlət Komitəsinin (DQİDK) Masallı bölgəsi üzrə şöbəsinin və Ombudsmanın Cənub Regional Mərkəzinin birgə təşkilatçılığı ilə baş tutub.
