Masallı rayon Heydər Əliyev Mərkəzində Aprel döyüşlərinin 8-ci ildönümü ilə əlaqədar mədəniyyət işçiləri və gənclər üçün “İbad” filminin nümayişi baş tutub. Bu haqda məlumatı Cenublu.az bu gün, 2 aprel tarixində verir.
Filmdə türk dünyasının qəhrəman oğlu, Qarabağ veteranı, “Azərbaycan Bayrağı” ordeni kavaleri, Azərbaycanın Milli Qəhrəmanı, kəşfiyyat dəstəsinin komandiri İbad Hüseynovun döyüş yolundan bəhs olunur.
Qeyd edək ki, filmin nümayişi Yeni Azərbaycan Partiyası Masallı rayon Təşkilatı, Heydər Əliyev Mərkəzi ərazi partiya təşkilatı, Masallı rayon Tarix-Diyarşünaslıq muzeyi, Masallı rayon Mərkəzi Kitabxana Sisteminin birgə təşkilatçılığı, Masallı Dövlət Regional Kollecinin dəstəyi ilə baş tutub.
