Masallı rayon Heydər Əliyev Mərkəzində ümummilli lider Heydər Əliyevin anadan olmasının 101-ci ildönümü münasibətilə “Heydər Əliyev və müasir Azərbaycan” mövzusunda tədbir keçirilib. Bu haqda məlumatı Cenublu.az bu gün, 10 may tarixində verir.
Tədbirdə Heydər Əliyevin Azərbaycanın müstəqilliyinin banisi olduğu vurğulanıb. Sovetlər birliyi dövründə ölkəmizi qabaqcıl respublikalar sırasına çıxaran ümummilli lider Heydər Əliyevin 1993-cü ildə xalqın təkidli tələbi ilə yenidən hakimiyyətə qayıdışı dövlətçilik tarixinin yeni mərhələsinin, müstəqilliyi əbədiləşdirən uğurlu bir yolun başlanğıcının qoyulmasından danışılıb.
Sonda tədbir iştirakçıları üçün mərkəzin ekspozisiya-sərgi zalına ekskursiya təşkil olunub.
Qeyd edək ki, tədbir Masallı rayon Heydər Əliyev Mərkəzinin, Masallı rayon Tarix-Diyarşünaslıq Muzeyinin, Gənclərin İnkişaf və Karyera Mərkəzinin (GİKM) Lənkəran–Astara Regional nümayəndəliyinin Masallı bölməsinin birgə təşkilatçılığı ilə baş tutub.
