Masallıda ulu öndər Heydər Əliyevin adını daşıyan parkda "Kitab sərgisi" baş tutub. Bu haqda məlumatı Cenublu.az bu gün, 29 sentyabr tarixində verir.
Ümumilikdə 100-dən çox kitabın yer aldığı sərgidə müasir Azərbaycanın qurucusu və memarı ulu öndər Heydər Əliyevin həyat yolunu, ictimai-siyasi fəaliyyətini əks etdirən kitablar və digər nəşrlər nümayiş etdirilib.
Qeyd edək ki, sərgi YAP Masallı rayon təşkilatının və Mərkəzi Kitabxana ərazi partiya təşkilatının dəstəyi ilə təşkil olunub.
