Masallıda “İnkişafa aparan yolda gənclərin həmrəyliyi” mövzusunda görüş baş tutub. Bu haqda məlumatı Cenublu.az bu gün, 31 yanvar tarixində verir.
Görüş Tarix-Diyarşünaslıq Muzeyində təşkil olunub. Toplantıya təşkilatçı müəssisələrin əməkdaşları, ziyalılar, qazilər, tələbələr və rayonunun fəal gəncləri qoşulublar.
Tədbirdə çıxış edən muzeyin direktoru Əntiqə Tağıyeva, Veteranlar Şurasının sədri Məmmədağa Şiriyev, Vətən müharibəsi veteranı Bəxtiyar Salayev, Masallı Dövlət Regional Kollecinin əməkdaşı Humay Ağayeva, mərkəzi kitabxananın direktor əvəzi Zamin Məmmədov vurğulayıblar ki, hər bir ölkədə gənclər cəmiyyətin aparıcı qüvvəsidir.
Sonda rayonun ictimai-siyasi həyatında fərqlənən gənclərə fəxri fərmanlar və hədiyyələr təqdim edilib.
Görüş Masallı Tarix-Diyarşünaslıq Muzeyi və Mərkəzi Kitabxananın birgə təşkilatçılığı ilə keçirilib.
