Masallı rayon Mədəniyyət Mərkəzində 17 Oktyabr – Füzuli Şəhəri Günü qeyd edilib. Bu haqda məlumatı Cenublu.az bu gün, 17 oktyabr tarixində verir.
Tədbirdə mədəniyyət işçiləri, ziyalılar və Vətən müharibəsi qaziləri iştirak ediblər.
Çıxışçılar 17 oktyabr 2020-ci ildə ordumuzun uğurlu döyüş əməliyyatları ilə Füzuli şəhərinin azad edilməsindən danışıblar, əlamətdar günün təsis edilməsinin ölkə həyatı üçün mühüm hadisə olduğunu vurğulayıblar. O cümlədən yeni nəqliyyat və sosial infrastrukturunun yaradılması, "Böyük qayıdış" planı çərçivəsində məcburi köçkünlərin doğma yurdlarında məskunlaşdırılmasından bəhs edilib.
