Masallıda “Öz biznesinə başla” mövzusunda təlim təşkil olunub. Bu haqda məlumatı Cenublu.az bu gün, 20 oktyabr tarixində verir.
Tədbir Dövlət Regional Kollec tələbələrinin iştirakı ilə keçirilib. Seminarın əsas məqsədi gənclərin sahibkarlıq təşəbbüslərinin və məşğulluq imkanlarının artırılması, gənclərin maarifləndirilməsi və onların informasiya təminatının gücləndirilməsi, yeni iqtisadi şəraitdə iş təcrübəsinin mənimsənilməsidir.
Sonra Beynəlxalq Əmək Təşkilatının sözügedən mövzu üzrə beynəlxalq sertifikatlı təlimçisi Rafət Şirəliyev tədbirdə iştirak edən 25 nəfərə yaxın gəncə biznes barədə ideyanın formalaşdırılması, biznes-planın hazırlanması, rəqabət qabiliyyətli məhsul istehsalı, bazar iqtisadiyyatının tələbləri, müştərilərə xidmət, reklam, biznes sahəsində biliklərin əldə edilməsi və əlaqələr yaratmağın vacibliyi barədə təlim keçib.
Qeyd edək ki, görüş Lənkəran-Astara Regional Gənclər və İdman İdarəsinin Masallı rayonu üzrə sektorunun və Masallı Gənclər Evi SMX-nin birgə təşkilatçılığı ilə həyata keçirilib.
