Masallıda “Narkomaniya və insan alverinin fəsadları” mövzusunda görüş təşkil olunub. Bu haqda məlumatı Cenublu.az bu gün, 16 fevral tarixində verir.
“Biz sağlam həyatı seçirik” başlığı altında keçirilən tədbir Qəriblər kənd tam orta məktəbində baş tutub. Şagirdlərə insan alveri, məcburi əmək, narkotik vasitələr, psixotrop maddələr, onların prekursorlarının qanunsuz dövriyyəsi və bu kimi pis vərdişlərin cəmiyyətimizdə yaratdığı mənfi təsirlər haqda məlumat verilib. Daha sonra məktəblilərin sualları cavablandırılıb.
Tədbir Tarix-Diyarşünaslıq Muzeyi, Masallı rayonu üzrə təhsil sektoru, Rayon Polis Şöbəsinin və Gənclərin İnkişaf və Karyera Mərkəzinin Lənkəran-Astara Regional nümayəndəliyinin Masallı bölməsinin birgə təşkilatçılığı ilə keçirilib.
