Masallı rayonunda Bayraq Gününə həsr olunmuş tədbir təşkil olunub. Bu haqda məlumatı Cenublu.az bu gün, 9 noyabr tarixində verir.
Görüş Fayəddin Xancanov adına kənd orta məktəbində baş tutub. Burada məktəbin direktor əvəzi Aytən Əliyeva və direktor müavini Rizvan Xancanov çıxış ediblər. Onlar qeyd ediblər ki, müqəddəs rəmzlərimizdən olan bayraq xalqımızın, millətimizin varlığının, mövcudluğunun sübutu, müstəqil dövlət qurmaq və ona sahib çıxmaq bacarığının əsas göstəricisidir.
Sonda şagirdlər şeirlər səsləndiriblər və mahnılar ifa ediblər.
Qeyd edək ki, tədbir rayon Mərkəzi Kitabxanasının Musaküçə kənd kitabxana filialı və mədəniyyət klubunun dəstəyi ilə təşkil olunub.
