Masallı rayon Şərəfə kənd kitabxana filialı və Folklor Evinin birgə təşkilatçılığı ilə l Qarabağ müharibəsi şəhidi İbadullah Dadaşovun 49-cu doğum günü münasibətilə tədbir keçirilib. Bu haqda məlumatı Cenublu.az bu gün, 13 oktyabr tarixində verir.
Kitabxananın əməkdaşları bildiriblər ki, Azərbaycan 44 günlük Vətən müharibəsində tarixi Zəfərə dövlətimizin uğurlu siyasəti və xalqımızın qətiyyəti sayəsində nail olub. Qələbəyə gedən şərəfli yolda l Qarabağ müharibəsində canlarını fəda edən oğul və qızlarımızın da danılmaz rolu olduğu vurğulanıb.
Sonra çıxış edən şəhidin anası Həcər Dadaşova oğlu ilə bağlı xatirələrini tədbir iştirakçıları ilə bölüşüb.
Yekunda şagirdlərin ifasında şəhidlərə həsr olunan şeirlər səsləndirilib.
