Masallı Rayon Mərkəzi Xəstəxanasında 8 Mart - Beynəlxalq Qadınlar Gününə həsr olunmuş tədbir keçirilib. Bu haqda məlumatı Cenublu.az bu gün, 7 mart tarixində verir.
Tədbirdə Masallı Rayon Mərkəzi Xəstəxanasının direktoru İlqar Ramiz oğlu, Masallı Rayon İcra Hakimiyyətinin ictimai-siyasi və humanitar məsələlər şöbəsinin baş məsləhətçisi Nigar Kərimova çıxış edərək öz səmimi təbriklərini kollektivə çatdırıblar.
Tibb müəssisəsinin direktoru İlqar Ramiz oğlu öz çıxışında Azərbaycan qadınının daima əzmi, iradəsi və dözümü ilə hər birimizin həyatında əvəzsiz rolu olduğunu bildirib.
Tədbirin sonunda 8 Mart - Qadınlar Günü münasibətilə vəzifə borclarını layiqincə yerinə yetirən xanımlara fəxri fərmanlar təqdim olunub.
