Vışkatəpə adlanan ərazi Masallı rayonunun Hacıtəpə kəndinin cənubunda, Neftçala rayonuna yaxın, Muğan hissəsində, Yuxarıbaş deyilən yerdə yerləşir [1,2].
Sovet dövründə indiki Viləş kəndində döyüş təyyarələri üçün aerodrom tikilmişdir. Viləş kəndindən təyyarələr uçan zaman onları istiqamətləndirmək üçün Vışkatəpə adlanan ərazidəki təpənin üzərində təxminən 7-8 metr hündürlükdə qüllə quraşdırmışdılar. Qüllə rus dilinə tərcümədə “vışka” olduğundan yerli sakinlər bu ərazini Vışkatəpə adlandırıblar [1].
Vışkatəpə əvvəllər şəhər sənətkarlarının yaşadığı məhəllə olub. Bu yerdə mis qalıqları tapıldığından ehtimal olunur ki, ərazidə yaşayan əhali misgərliklə məşğul olub [2].
1989-cu ildə Azərbaycan Milli Elmlər Akademiyasının Tarix İnstitutunun “Talış-Muğan arxeoloji ekspedisiyası” zamanı burada son tunc - ilk dəmir dövrünə aid kurqan aşkar olunub. Lakin bir müddət sonra burada aparılan təsərrüfat işləri zamanı həmin kurqan dağıdılmışdır [1].
Ədəbiyyat:
