Lənkəran rayonu üzrə ümumtəhsil müəssisələrində "Məhəmməd Füzuli ayı" layihəsi çərçivəsində “dəyirmi masa”lar, debatlar, şairin fəaliyyətinə həsr olunmuş elmi, bədii əsərlərlə, məqalə və kitablarla tanışlıq, poeziya gecələri, ədəbi-bədii kompozisiyalar, ədəbiyyat, şairə həsr olunmuş bədii, sənədli filmlərin nümayişi, “Füzuli dünyası” adlı intellektual oyun və müsabiqə keçirilib. Bu haqda məlumatı Cenublu.az bu gün, 1 may tarixində verir.
Layihənin məqsədi Lənkəran rayonu üzrə Təhsil Sektorunun tabeliyində fəaliyyət göstərən ümumtəhsil müəssisələrinin şagirdləri arasında milli-mənəvi dəyərləri təbliğ etmək, dahi şairin zəngin ədəbi-bədii irsi ilə bağlı gənc nəsli maarifləndirmək, onların yaradıcılıq, intellektual qabiliyyətlərinin inkişafı üçün şərait yaratmaq, eləcə də istedadlı şagirdləri üzə çıxarmaqdır.
