Lənkəran rayonu Jidi kənd ümumi orta məktəbinin ibtidai sinif müəllimi Leyla Qarayeva "İlin Gənc Müəllimi-2022" müsabiqəsində uğur qazanıb. Bu haqda məlumatı Cenublu.az bu gün, 27 mart tarixində verir.
Leyla müəllim müsabiqədə 62.3 bal toplayaraq (münsiflər 45.9; səsvermə 16.4) müsabiqənin üçüncüsü olub.
Müsabiqə üç turdan ibarə olub. Birinci mərhələdə iştirakçılar müraciət formasını doldurublar. Hər bir müəllim şəxsən özü ona təqdim olunan sualları cavablandırıb. Daha sonra ilk 50 nəfər arasından 10 müəllim sonuncu mərhələyə keçib.
Müsabiqənin ilk 10-luğuna daxil olan müəllimlər üçün səsvermə 1 fevral 2023-cü ildən 2 mart 2023-cü il saat 00:00-dək davam edib.
Beləliklə, həm münsiflər heyətindən (80 bal), həm də saytda keçirilən səsvermədən (20 bal) ən yüksək bal toplayan 3 pedaqoq ümumi nəticə əsasında “İlin Gənc Müəllimi-2022” müsabiqəsinin qalibləri olub.
Qeyd edək ki, müsabiqə Milli Məclisin Mədəniyyət komitəsi və AzEdu.az təhsil portalının birgə təşkilatçılığı ilə baş tutub.
