Lənkəran şəhəri Rövşən Bədəlov adına 9 nömrəli tam orta ümumtəhsil məktəbində tətbiq olunan yeni təmayül tədris modelinin ilk nəticələri açıqlanıb.
Cenublu.az xəbər verir ki, yeni model üzrə ilk məzunların ali məktəblərə qəbul nəticələrinə əsasən, məktəbin 124 məzunu ali təhsil müəssisələrinə qəbul olunaraq tələbə adını qazanıb.
Məktəbin nəticələrində diqqət çəkən məqamlardan biri isə 6 sinif üzrə 100 faizlik qəbul göstəricisinin qeydə alınmasıdır. Belə ki, həmin siniflərdə təhsil alan bütün məzunlar ali təhsil müəssisələrinə qəbul olunublar.
