Lənkərandan olan şair Əyyub Türkayın “Balaca qəhrəmanlarım” adlı yeni kitabı nəşr edilib. Bu haqda məlumatı Cenublu.az bu gün, 13 yanvar tarixində verir.
Kitab məktəb və hazırlıq qruplarında, bağçada, ibtidai sinifdə təhsil alan uşaqlar üçün yazılıb. Burada müxtəlif mövzularda uşaq şeirlərinə, təmsillərə, tapmacalara, həmçinin nağıl və hekayələrə də rast gəlmək olar.
Qeyd edək ki, kitabdakı bəzi şeirlər uşaqlara vətənpərvərlik ruhunun aşılanmasına yönəlib.
Əyyub Türkay Azərbaycan Jurnalistlər Birliyinin üzvü, Qızıl Qələm Media mükafatı laureatıdır. Bu, “Uşaq hədiyyəsi çələngi” və “Sovqat”dan sonra müəllifin gənc oxucular üçün nəşr olunan 3-cü kitabıdır.
