Lənkərandan olan gənc yazıçı Eldar İlqaroğlunun “Valideynlər bilməli” adlı kitabı işıq üzü görüb. Bu haqda məlumatı Cenublu.az bu gün, 21 fevral tarixində verir.
“Valideynlər bilməli” adlı əsər uşaq tərbiyəsində qarşıya çıxan çətinlikləri anlamaq və həll etmək, sağlam ailə mühiti yaratmaq istəyən hər kəs üçün çox gözəl və sadə dildə yazılmış bir mənbə ola bilər.
Müəllif Eldar İlqaroğlu kitabında psixoloji araşdırmaları, şəxsi, pedaqoji təcrübələri və dini mənbələrdən gələn tövsiyələri bir araya gətirərək valideynliklə bağlı ən mühüm, ən əsas məsələlərə diqqət çəkməyə çalışıb. Bu kitabda təkcə nəzəri məlumatlara deyil, eyni zamanda praktiki tövsiyələrə də yer ayrılır. Həmçinin valideynlər üçün uşaqlar tərəfindən verilən ironik, düşündürücü suallar valideynləri uşaqlarının dünyasına daha yaxından baxmağa təşviq edir.
Qeyd edək ki, “Valideynlər bilməli” müəllifin sayca 5-ci kitabdır.
