İshaq Sadıq bəy oğlu Mehmandarov 1858-ci (1857) ildə Lənkəran şəhərində anadan olub [1]. O, general Səməd bəy Mehmandarovun kiçik qardaşıdır [2].
Mehmandarov ilk təhsilini Mirzə İsmayıl Qasirin “Üsuli-cədid” məktəbində alıb [1]. 1878-ci ildə Bakı Realnı məktəbində, 1884-cü ildə isə Peterburq Yol Mühəndisləri İnstitutunda təhsil alıb [1,2]. O, Lənkərandan olan ilk ali təhsilli mühəndisdir.
İshaq Mehmandarov Rusiyanın mərkəzi şəhərlərində mühəndis işləyib.
Peterburqda inqilabi hərəkatda iştirak edən İshaq Arxangelsk şəhərində gizli dərnəklər də təşkil edib. Bu səbəbdən 1884-cü ildə həbs olunub. 1885-ci ildə Zakaspi Dəmiryol (Krasnovodsk-Daşkənd) tikintisinin iştirakçısı olub [1].
İshaq Sadıq bəy oğlu Mehmandarov 1909-cu (digər ehtimala görə 1916) ildə vəfat edib və Bakıda dəfn olunub [1,3].
Ədəbiyyat:
