Lənkəranda Akademik Zərifə Əliyevanın anadan olmasının 101-ci ildönümünə həsr olunmuş tədbir baş tutub. Bu haqda məlumatı Cenublu.az bu gün, 26 aprel tarixində verir.
“Zərif insan ömrü” adlı tədbirdə 120 nəfər iştirak edib.
Görüşə Lənkəran–Astara Regional Gənclər və İdman İdarəsinin rəhbərliyi və əməkdaşları, Lənkəran Tibb Kollecinin rəhbərliyi, kollecin həkim, müəllim və tələbə heyəti cəlb olunublar.
Mərasimdə çıxış edənlər həkim Zərifə Əliyevanın elmi fəaliyyətindən, alimin keçdiyi ömür yolundan danışıblar. Sonra “Zərif insan ömrü” filmi təqdim olunub.
Yekunda kollecin tələbələri Zərifə xanıma həsr olunmuş şeir və mahnılar ifa ediblər.
Tədbir Lənkəran Tibb Kollecində Lənkəran–Astara Regional Gənclər və İdman İdarəsi və Lənkəran Tibb Kollecinin birgə təşkilatçılığı ilə həyata keçirilib.
