Lənkəran rayonu Xanbulan kənd tam orta məktəbində “Hər kağızı bir yarpağa dəyişək” adlı ümumməktəb tədbiri baş tutub. Bu haqda məlumatı Cenublu.az bu gün, 30 aprel tarixində verir.
Görüşdə Lənkəran rayonu üzrə Təhsil Sektorunun müdiri Elman Rzayev, sektorun aparıcı məsləhətçisi Cəmil Axundzadə, məktəb direktorları, müəllim və şagirdləri iştirak ediblər.
Tədbirdə dünyanı narahat edən ekoloji problemlər, iqlim dəyişiklikləri və onların canlı aləmə mənfi təsirlərindən, ekoloji mədəniyyətdən məlumat verilib.
Daha sonra məktəb şagirdlərinin ifalarında müxtəlif yaddaqalan ədəbi-bədii kompozisiyalar təqdim olunub.
