Lənkərandan olan gənclər üçün "Peşəkarlığa ilk addım" adlı layihə təşkil olunacaq. Bu haqda məlumatı Cenublu.az bu gün, 17 noyabr tarixində verir.
Layihəyə media və videoçəkilişlə maraqlanan 18-29 yaş arası gənclər qoşula bilərlər. Proqram çərçivəsində ofis proqramları, multimedia məhsullarının hazırlanması, audio vǝ videomontajın edilməsi və müasir media vasitələrindən düzgün faydalanmanın yolları öyrədiləcək.
Layihədə iştirak etmək üçün birinci mərhələdə qeydiyyatdan keçmək lazımdır. Qeydiyyatdan uğurla keçmiş namizədlər müsahibə mərhələsinə daxil olacaqlar. Yalnız komissiya tərəfindən seçilən gənclər layihəyə qoşula biləcəklər.
Sonda sessiyaları uğurla bitirən gənclərə sertifikat təqdim ediləcək.
