Lənkəranda yanğın təhlükəsizliyi ilə bağlı regional müşavirə təşkil olunub. Bu haqda məlumatı Cenublu.az bu gün, 17 may tarixində verir.
Görüşə Ekologiya və Təbii Sərvətlər, Fövqəladə Hallar, Kənd Təsərrüfatı nazirlikləri, Lənkəran Şəhər İcra Hakimiyyəti və digər aidiyyəti qurumların rəsmiləri, fermerlər və sahibkarlar cəlb olunublar. İştirakçılara yanğın təhlükəsizliyi ilə bağlı hazırlanmış birgə fəaliyyət planı barədə məlumat verilib.
Tədbirdə meşəətrafı ərazilərdə yaşayan və təsərrüfat fəaliyyəti ilə məşğul olan vətəndaşlara ayıq-sayıq olmaları, meşəlik ərazilərdə nəzarətsiz yanğın mənbələrinə şərait yaratmamaları barədə çağırış edilib.
