Lənkəran şəhərindəki Heydər Əliyev adına Xatirə Parkında “Tirmə şallı, al yanaqlı gözəllər” adlı tədbir keçiriləcək. Bu haqda məlumatı Cenublu.az bu gün, 6 mart tarixində verir.
Mərasim 7 mart tarixində saat 10:00-da başlayacaq. Burada Lənkəran, Astara, Lerik, Yardımlı, Masallı, Cəlilabad rayonlarından olan gənc xanımların əl işləri, milli üslubda olan yaradıcılıq, xalçaçılıq, xalq tətbiqi sənət nümunələri, rəsm əsərləri təqdim olunacaq. Həmçinin musiqi və rəqs nömrələri nümayiş ediləcək.
Qeyd edək ki, tədbir Lənkəran-Astara Regional Gənclər və İdman İdarəsi, Şəhər İcra Hakimiyyəti, Lənkəran-Astara Regional Mədəniyyət İdarəsinin birgə təşkilatçılığı ilə həyata keçiriləcək.
