Lənkəran şəhərində fiziki məhdudiyyətli gənclər üçün layihə həyata keçirilir. Bu haqda məlumatı Cenublu.az bu gün, 29 yanvar tarixində verir.
“Təbiət Gəzintisində Düşərgə” adlı layihə 26-29 yanvar tarixlərində “Palıdlı sahil” hotelində keçirilir. Burada məqsəd fiziki məhdudiyyətli gənclərin asudə vaxtlarının səmərəli keçirilməsi, cəmiyyətə inteqrasiyası, kompleks və psixoloji sarsıntılarına dəstək, istedad və bacarıqlarının üzə çıxarılmasına dəstək olmaqdır.
Tədbirdə Gənclər Fondunun nümayəndəsi Vüsal Əhmədov iştirak edib.
Qeyd edək ki, “Əlilliyi Olan Uşaq və Gənclərin İdmana İnteqrasiyası” ictimai birliyinin layihəsi Azərbaycan Respublikasının Gənclər Fondunun maliyyə dəstəyi ilə baş tutub.
