Lənkəranda şəhid Baloğlan Əhədlinin doğum gününə həsr olunmuş "Şəhidlər bizim qürur yerimiz, fəxrimizdir" adlı anım mərasimi təşkil edilib. Bu haqda məlumatı Cenublu.az bu gün, 11 yanvar tarixində verir.
Tədbir Heydər Əliyev Mərkəzində baş tutub. Burada İcra Hakimiyyətinin başçısı Taleh Qaraşov, şəhid ailələrinin üzvləri, müharibə əlilləri, şəhidin təhsil aldığı Gəgiran kənd tam orta məktəbinin müəllim və şagirdləri, rayon ictimaiyyətinin nümayəndələri iştirak ediblər.
Mərasimdə iştirakçılar öncə mərkəzin foyesində şəhid Baloğlan Əhədliyə həsr olunan kitab, şəkil və fəxri fərmanlardan ibarət sərgi ilə tanış olublar. Daha sonra şəhidin döyüş yolundan bəhs edən videoçarx təqdim olunub. Həmçinin şəhidin təhsil aldığı məktəbin şagirdlərinin ifasında B.Əhədlinin xatirəsinə həsr olunmuş ədəbi-bədii kompozisiya nümayiş edilib.
