Lənkəran şəhər Heydər Əliyev Xatirə Parkında rəsm əsərləri və fotoşəkillərdən ibarət sərgi həyata keçirilib. Bu haqda məlumatı Cenublu.az bu gün, 11 may tarixində verir.
Heydər Əliyevin anadan olmasının 101-ci ildönümünə həsr olunmuş sərgidə Lənkəran–Astara Regional Gənclər və İdman İdarəsinin rəisi Teymur Babazadə və Lənkəran–Astara Regional Mədəniyyət İdarəsinin rəisi Bəxtiyar Qılıncov, idmançılar, gənclər və ictimaiyyət nümayəndələri iştirak ediblər.
Lənkəran Uşaq Rəssamlıq Məktəbinin və “ZZ Art Center” rəsm kursunun gənc rəssamlarının işlərindən ibarət sərgidə ulu öndərin ömür yolunu, eyni zamanda onun Azərbaycanda mədəniyyət, incəsənət və memarlığın inkişafı ilə bağlı fəaliyyətini əks etdirən fotoşəkillər sərgilənib.
Sonda fərqlənən yeniyetmə və gənc rəssamlar diplomlar və təşəkkürnamələrlə təltif ediliblər.
Tədbir Lənkəran–Astara Regional Gənclər və İdman İdarəsi və Lənkəran–Astara Regional Mədəniyyət İdarəsinin birgə təşkilatçılığı ilə keçirilib.
