Lənkərandan olan müəllimlər "Öz layihəni özün yaz" adlı təhsil və sosial layihələrin yazılışı üzrə ustad dərsində iştirak ediblər. Bu haqda məlumatı Cenublu.az bu gün, 15 yanvar tarixində verir.
Akademik İnkişaf Seminarları çərçivəsində keçirilən tədbirdə iştirakçılara qrant müsabiqələr, müraciət forması, sosial və təhsil layihələrinin yazılışı və idarə edilməsi üzrə ətraflı məlumat verilib.
Master-klası yazılış və idarəçilik üzrə 16 illik təcrübəyə malik təlimçi-ekspert Tofiq Sadıxov keçirib.
Qeyd edək ki, "Öz layihəni özün yaz" ustad dərsi Azərbaycan Maarifçilər Assosiasiyası tərəfindən Təhsildə İnkişaf və İnnovasiyalar qrant müsabiqəsinə hazırlıq məqsədilə əyani və onlayn formada təşkil olunur.
Növbəti tədbirdə iştirak etmək üçün +994 51 444 60 80 nömrəsi ilə əlaqə saxlamaq lazımdır.
