Lənkəran KOBİM tərəfindən KOB subyektləri və yeni biznesə başlamaq istəyənlər üçün “Öz biznesinə başla” mövzusunda maarifləndirici təlim keçirilib. Bu haqda məlumatı Cenublu.az bu gün, 25 yanvar tarixində verir.
Təlimdə 4 nəfər sahibkar və biznesə başlamaq istəyən şəxs iştirak edib. Lənkəran KOBİM-in peşəkar eksperti tərəfindən təlimdə KOB-lərə real ideyalar üzərindən fikir mübadiləsi aparılıb, biznes fəaliyyəti üçün atılmalı olan ilkin addımlar, hazırkı bazar şəraiti və mövcud imkanlar, sahibkar olmaq üçün haradan başlamaq olar, biznes anlayışı və ümumi strukturu, biznesdə uğurun əldə edilməsi, biznes psixologiyası barədə danışılıb. Təlim zamanı biznes ideyalarının işlənməsi, gəlir və xərclərin qeydiyyatı, hüquqi öhdəliklər barədə ətraflı məlumat verilib.
Təlimin sonunda mövzular ətrafında müzakirələr aparılıb və iştirakçıların sualları cavablandırılıb.
Qeyd edək ki, Lənkəran KOBİM tərəfindən göstərilən bütün xidmətlər ödənişsizdir.
