Q.Vəliyev adına Lənkəran şəhər Mədəniyyət Mərkəzində “Azərbaycan mətbəxi Türk mətbəx mədəniyyətinin təcəssümü kimi” adlı növbəti Respublika Elmi-Praktiki Konfransı və Milli Mətbəx Festivalı keçirilib. Bu haqda məlumatı Cenublu.az bu gün, 18 oktyabr tarixində verir.
UNESCO tərəfindən Dünya Qastronomiya Şəhəri seçilən Lənkəranda keçirilən festivalda Lənkəran-Astara Reginal Mədəniyyət İdarəsinin rəisi Bəxtiyar Qılıncov və AMKA-nın Prezidenti Tahit Əmiraslanov çıxış edərək milli mətbəximizin zənginliyindən danişıblar.
Festivalda, həmçinin milli mətbəximizin motivlərini özündə əks etdirən rəsm və sənatkarlıq sərgisi də nümayiş olunub.
Qeyd edək ki, Lənkəran şəhər Mədəniyyət Mərkəzində 2021 və 2022-ci il tarixlərində ardıcıl olaraq kulinariya festivalları keçirilib. 4-6 iyun 2023-cü il tarixində TÜRKSOY-un təsis etdiyi “Türk Dünyası Mətbəx Kültürü, Elmi və Sənətləri birliyi”nə Azərbaycan Milli Kulinariya Assosiasiyasının Prezidenti, Əməkdar mədəniyyət işçisi, professor Tahir Əmiraslanov Prezident seçilib.
Xatırladaq ki, Azərbaycan Milli Kulinariya Assosiasiyasının təşəbbüsü ilə 20 oktyabr Dünya Kulinariya Günü kimi qeyd edilir.
